OKUTAASA OBUTONDE BW’ENSI: Museveni atongozza kaweefube omuggya, akunze abavubuka
Abavubuka basabiddwa okuba abasaale mu kaweefube w'okukuuma obutonde bw'ensi ku mukolo Omukulembeze w'eggwanga Yoweri Museveni kwatongolezza kaweefube omujja ow'okulwanirira obutonde bwensi wansi w'enkola ya mwoyo gwa ggwanga. Omukolo guno gubadde ku ssomero lya Kitebi SS erisangibwa mu ggombolola ye Lubaga. Mu kaweefube atongozeddwa olwaleero emiti akakadde kalamba gye gigenda okusimbibwa mu bitundu by'eggwanga eby’enjawulo.