Mukolagane n'abantu be mukulembera: Katikkiro awadde abaami abakalondebwa amagezi
Katikkiro Charles Peter Mayiga akubirizza abakulembeze ku mitendera egy’enjawulo okwettanira enkolagana n’abantu abalala ababali wansi saako ne bakama baabwe nga lwebanaasobola okutuukiriza obuweereza bwabwe.
Obubaka buno, katikkiro abuwadde naddala abakulembeze abaggya abakaweebwa obwami ku mitendera egy’enjawulo mw’abategeerezza nga bwe batalina kubeera bannakyemalira okwewala okulemererwa obukulembeze.
Okwogera bino, kamalabyonna abadde atikkula bannakabula oluwalo ku Bulange e Mengo.