Aba NRM bakkiriziganyiza okuwagira amabago agagendereddwamu okugatta ebitongole bya gavumenti
Ababaka ba NRM nga bayita mu kabondo kaabwe bakkiriziganyiza okuwagira amabago agagendereddwamu okugatta ebitongole bya gavumenti ebifaanaganya emirimu ebyali byatalizibwa palamenti gyebuvuddeko. Mu nsisinkano gyebaabaddemu olunaku lw'eggulo ne ssentebe waabwe, era omukulembeze w'eggwanga Yoweri Museveni, mu maaka ge Entebbe, ababaka bano baawagidde eky'okugatta ebitongole okuli n'ekyenguudo ki UNRA, kyokka kyo ekitongole ekivunanyizibwa ku mmwanyi wamu ne kya tekinologiya ki NITA - U byaweereddwayo ebbanga nga bwe byetegerezebwa.