Okwekalakaasa obukunya: Abaakwenyigiramu beeyimiriddwa
Abayizi ab’obuwala abasatu abaakwatibwa ssabbiiti ewedde nga beekalakaasizza ku palamenti nga bali bwereere, omulamuzi wa omukulu owa kkooti ya Buganda Road Ronald Kayizzi abakkiriza okweyimirirwa ku nsimbi akakadde kamu ezitali zaabuliwo.Bano nga basoma mateeka ku ssettendekero wa Makerere ye Praise Alokin, Norah Kobusingye ne Kemitoma Kyenzibo nga ababeeyimiridde kubaddeko Prof. Sylvia Tamale ne Dr. Kabumba Busingye ku ssente obukadde bubiri ezitali zaabuliwo.Omulamuzi Kayizi bano omusango gwabwe agwongeddeyo okutuusa nga 01/10/2024.Kinajjukirwa nti abawala bano baakwatibwa poliisi ssabbiiti ewedde bwebaali beekalakaasiza ku luguudo lwa palamenti avenue nga bajja bambadde buwale bwabwe bwokka obw’omunda nga beesize langi ez’enjawulo naddala ezo eziri mu bendera y’eggwanga ku mabeere nekubisambi nga bakutte n’ebipande ebiriko obubaka obuvumirira enguzi.Oludda oluwaabi kyelulumiriza nti kyali kimenya mateeka.