Ttimu y’eggwanga ey’abakyala yaakuttunka ne Congo mu mpaka za Handball
Ttiimu y’eggwanga ey'abakyala abazannya Handball esitula lunaku lwa nkya okwolekera eggwanga lya Democratic Republic of Congo gye bagenda okuttunkira mu mpaka z’ekikopo kya Africa zi Women Africa Handball Championships ezigyibwako akawuuwo ku Lwokusatu lwa wiiki ejja. Empaka zino ze zimu kw’ezo eziyisaawo amawanga okutuuka mu mpaka z’ensi yonna zi World Handball Championships era Uganda ebadde emaze emyaka egyisoba mu 40 nga tezeetabaamu.
