Abaana basatu basirikkidde mu nnabbambula w’omuliro akutte ennyumba e Busega
Abaana basatu mu kiro ekikeese enkya ya leero basirikkidde mu nnabbambula w’omuliro akutte ennyumba mwe babadde beebase mu zooni ya Kitaka e Busega mu gombolola y'e Lubaga. Kiteberezebwa nti omuliro guno gwaavudde ku musubbaawa bazadde baabwe gwe baalese mu nnyumba nga gwaka ku saawa nga mukaaga ez’ekiro. Abatuuze balumiriza nti maama w’abaana bano yabadde agenze mu baala kwesiwa magengere.