Embeera y’emirimu mu ggwanga, bannayuganda baanukudde Pulezidenti Museveni
Ku lwokusatu lwa sabbiiti eno Uganda nga ekuza olunaku lw’abakozi, omukulembeze w’e ggwanga Yoweri Kaguta Museveni yasaba abantu obutaddayo kumutegeeza nga mu ggwanga bwemutaliimu mirimu, okuggyako nga abaginoonya tebamanyi nkye baagala. Pulezidenti era yewuunya lwaki bannayuganda bagenda mu mawanga ga buwarabu okukuba ekyeyo nga bekwasa ebbula ly’e mirimu. Mu mboozi eno tukusiigidde ekifaananyi ku mbeera y’emirimu mu ggwanga, okuzuula oba abagenda mu buwalabu bagenderayo bwereere.