E Nakasongola waliwo abakazi abaasalawo okwenyigira mu buvubi
E Nakasongola waliwo abakyala abeenyigira mu buvubi omulimu ogwali gumanyiddwa okuva edda nga ogw’abasajja. Abakyala bano bagumira embeera enzibu, omuli enkuba, empewo ey’amaanyi, n’ensiri ezitasalako. Bano basisinkana okusoomoozebwa okw’amaanyi mu by’ensimbi, nga tebalina maato gaabwe ku bwabwe, era bawalirizibwa okugapangisa oba okukolera abo abagalina, nga buli kkiro y’ebyennyanja bye bakwata bagifunako siringi 2,500 zokka. Mu mbeera eno bano basobodde okulabirira amaka gaabwe wadde nga abasiinga baasuulwawo ba bba baabwe.