EBY’OKUSALAKO AMAZZI E LUZIRA: Ab’amakomera boogedde engeri gye bayiiyirizza abasibe
Oluvannyuma lw’ekkomera ly’e Luzira okusalwako amazzi ga National Water olw’okubanjibwa obuwumbi 18 n’obukadde 272, ab’amakomera bagamba batetenkanyinzza okulaba nga abasibe bafuna amazzi naye kino kya kaseera buseera. Ab’ekitongole kya National Water bagamba nabo beetaaga okuddukanya emirimu gyabwe nga ensimbi ze babanja bwe zisukkirira kigootaanya emirimu gyabwe.Kyokka waliwo enteeseganya ezigenda mu maaso wakati w’ebitongole byombi okugonjoola ensonga eno.