EMBEERA Y’OMUSAAYI MU GGWANGA: Ab’ekitongole ekigukung’aanya bagamba oguliwo tegumala
Ab’ekitongole ekivunaanyizibwa ku kukungaanya omusaayi ki Uganda Blood Transfusion services bagamba nti eggwanga likyalina ekizibu ky’ebbula ly’omusaayi olw’omuwendo omutono ogw’abantu abettanira okugugaba.Kivudde ku bwetaavu bw’omusaayi okweyongera naddala mu baana abato nga kiva ku musujja gw’ensiri saako n’endya embi mu bantu abakulu etabasobozesa kugugaba nga bwekyetaagisa.Kyokka wadde guli gutyo abasawo mu malwaliro agamu bakyalemedde ku muze ogw’okutunda omusaayi ekimenya amateeka.