Empaka z’amasomero; 52 baakukiikirira eggwanga mu mizannyo e Bahrain
Abayizi 52 okuva mu masomero mukaaga be basiibuddwa mu butongole okwolekera eggwanga lya Bahrain gye bagenda okuttunkira mu mizannyo egy'enjawulo egya International Secondary Schools Federation ezigyibwako akawuuwo ku Lwokusatu lwa wiiki eno. Bano baakuttunka mu mizannyo okuli table tennis, badminton, emisinde, basketball n'okuwuga. Abayizi bano basiibuddwa abatwala emizannyo gy'amasomero nga bali wamu n'abakakiiko akaddukanya emizannyo mu ggwanga.