ENKAAYANA KU TTAKA: E Kiboga minisita asazizzaamu ebyapa
Enkaayana ku ttaka mu district y'e Kiboga buli lukya zongera kufuuka nkalubu. Kati waliwo abatuuze ku kyalo Kasinina mu ggombolola ye Kapeke abayise minisita omubeezi ow'eby'ettaka Sam Mayanja okubakkuluzaako omusajja gwetutegeddeko nga Seba Mugisha eyeesomye okubagoba ku ttaka.Abatuuze babuulidde minisita nti tebamanyi yaguza Mugisha ono ttaka ly'ayita erirye wabula ye Mugisha nga ayita mu muyambi we atubuulidde nti talina kigendererwa kigoba muntu yenna ku ttaka.