ENKALU KU TTAKA: Waliwo omuyindi eyeekubidde enduulu ku bamwonoonera emmere
Amyuka RDC w’e Butambala Yayaha Katunze asabye wabeewo okunoonyereza ku ttaka erisangibwa ku Kyalo Mayombwe mu tawuni Kanso ye Kibibi e Butambala erikaayanirwa wakati w’omuyindi n’aba famire ya Huda Bbira. Katunze okwogera bino abadde akyaddeko ku ttaka lino eriweza yiika 450 oluvannyuma lw’okufuna okwemulugunya okuva ew’omuyindi ino ngalumiriza nti waliwo abantu abasaaye emmere ye. Aba famile ya Huda Bbira bagamba nti ettaka lino Omuyindi yali yalifunako liizi wabula nga mu kiseera kino yaggwako dda.