ETTEMU E KAYABWE: 38 be baakattibwa mu bikolwa bya kalogo-kalenzi
Abatuuze mu town council y'e Kayabwe mu district y'e Mpigi batadde poliisi mu kitundu kino ku nninga ebannyonnyole wetuuse n'okunoonyereza ku ttemu erirudde nga lyegiriisiza mu kitundu kino bbo lyebalowooza nti lyekuusa ku bikolwa bya kalogo-kalenzi. Abantu 38 okusinziira ku kunoonyereza kwe twakoze, kiraga nti bebaakatemulwa mu bbanga lya mwaka gumu, wabula ng'emirambo gyabwe gisibwamu obwayi mu bulago. Poliisi ekkirizza nti ekyalemereddwa okuzuula abatemu bano naye nga n'abasawo b'ekinnansi batuwadde endowooza yaabwe ku mbeera esuza ab'eno nga bakukunadde nga lumonde mu kikata.