Okujjukira abajulizi ba Uganda: E ssaza ly’e California wabaddeyo missa eyenjawulo
Ssaabasumba w’essaza ekkulu erye Mbarara Lambert Bainomugisha anoogaanyizza obukulu bw’abajulizi ba Uganda mu kunyweza enzikiriza n’okugatta abakkiriza okwetoloola ensi yonna. Ssaabasumba Bainomugisha abadde akulembeddemu missa y’okujjukira abajulizi ba Uganda eyindidde ku Eklezia y’omutukuvu Genevieve esangibwa mu Kibuga Los Angeles eky’essaza lye California mu ggwnaga lya America. Eklezia eno eyongedde okwettanirwa bannayunga abakkiriza okuva lwe wassibwayo ebisigalira byabajulizi emyaka ebiri egiyise.