OKWEKALAKAASA MU KIBUGA: Abaakwatibwa abalala bateereddwa
Abavubuka abalala 18 abaakwatiibwa mu kwekalakaasa ssabiiti ewedde nga bagezaako okulaga obutali bumativu ku buli bw’enguzi ekudde ejjembe mu ggwanga naddala mu palamenti.Bano babadde baasigalira wabula olwaleero baleeteddwa ku kkooti ya Buganda road era bannamateeka baabwe ne bassaamu okusaba okweyimirirwa.Mu kusooka omulamuzi nga amaze okuwulira okusaba kwabwe, asoose n'ayimiriza olutuula lwa kkooti okutuusa ku ssaawa mwenda asobole okwekkaanya ebimuweereddwa era bw'atyo n'akomawo okuwa ensala ye ku nsaba y'abano.Bano bateereddwa ku kakalu ka mitwalo 20 nga za buliwo beppo n'ababeeyimiridde emitwalo 50 nga si za buliwo.