Eyaliko minisita omubeezi ow’ensonga za Karamoja era omubaka omukyala owa disitulikiti ye Bududa, Agnes Nandutu atandise okwewozaako ku misango egyekuusa ku kubulankanya amabaati agaalina okuweebwa abawejjere be Karamoja. Okwawukanako ne bwegutera okuba, Nandutu asazeewo obujulizi bwe abuwe nga takubye birayiro nga kati oludda oluwaabi terulina mukisa kumusoya bibuuzo Mu bujulizi bw’e Nandutu olunywe alusonze mu yali Minisita W’ensonga z’e Karamoja Mary Gorreti Kitutu gw’alumiriza okumulwanyisa mu by’obufuzi kko ngaviira ddala mu consitituency, kko n’okugaana okumulungamya ate nga ye yali mukama we. Ebyokwewozaako kwa Nandutu bizze bigwa butaka enfunda eziwera, ng’agamba nti tali mu mbeera nnungu ey’obulamu bwe, ekyaviirako n’omulamuzi ali mu mitambo gy’omusango gwe, Jane Okuo Kajuga okulagira abedddwaliro lye Mulago okumwekebejja era bafulumye alipoota ku mbeera ye Alipoota eno yafulumye ku bbalaza ya wiiki eno ng’etegeeza nga Nandutu bwali mu mbeera y’ebyobulamu ennungi era ng’asobola okwewozaako Alipoota eno omulamuzi Okuo Kajuga kwe yasinzidde okulagira Nandutu atandike okwewozaako olwaleero Oludda oluwaabi lulumiriza Nandutu ono okuwuwuttanya amabaati agawera enkumi bbiri agaalina okuweebwa abawejjere b’e Karamoja mu nteekateeka y’okubabbulula mu bwavu, ye naagakozesa ku ffaamu ye Ono waakudda mu kkooti eno nga 3 omwezi ogujja okwongera okwewozaako