Ttabamiruka wa Biriggwa: kkooti emuyimiriza , abategesi bakalambidde
Kkooti enkulu eyisizza ebiragiro ebiyimiriza ttabamiruka w'ekibiina ki FDC eyategekeddwa ssentebe, Wasswa Birigwa olunaku lw’enkya ku Natures Green Beach e Busabala, okutuusa nga kkooti esazeewo ku kwemulugunya kwabawaaba, nga bawakanya ttabamiruka ono. Ba member ba FDC basatu okuli Arafat Ntale Mwanje, Jamal Wante ne Malick Ssaazi baawawabira pulezidenti w’ekibiina kyabwe, Patrick Oboi Amuriat ne ssaabawandiisi, Nandala Mafabi…nga bagamba ttabamiruka ono eyayitiddwa olunaku lw’enkya amenya mateeka. Omulamuzi, Easter Nambayo ataddewo olwa nga 4 October, okutandika okuwulira okwemulugunya kwabaawaaba. Wabula ab’oludda lwa Birigwa balemeddeko nti ttabamiruka w’enkya alina okugenda mu maaso mu mbeera yonna.