Aba FDC y'e Katonga bayozezayozeza Ssemakadde olw'okuwangula obwa pulezidenti waba puliida
Bannakibiina ki Forum For Democratic Change (FDC), ekiwayi ekituula e Katonga basabye bannayuganda okukomya okuzinga emikono ng’eddembe ly’obuntu ligenda mu maaso n’okutyoboolwa mu ggwanga. Bagamba nti omuze guno gusobola okulwanyisibwa nga bakwataganidde wamu n’abakulembeze abalala. Bino babituseeko bwebabadde mu lukung’aana lwabannamawulire olugendereddwamu okuyozaayoza Isaac Ssemakadde olw’obuwanguzi bweyatuseeko bweyawandudde obwa pulezidenti waba puliida mu ggwanga. Bagamba nti bamulinamu essuubi okuzza essiga eddamuzi engulu.