Abatuuze mu disitulikiti y'e Kikube basobeddwa olw’embeera embi mwebawangaalira mu nkambi
Abatuuze ku byalo ebisukka mu 35 mu gombolola y’e Kyangwali e Kikuube basobeddwa olw’embeera mwebawangaalira mu nkambi gyebalimu oluvanyuma lw’okugobwa ku ttaka lyabwe. Bano bagamba eby’enjigiriza, eby’obulamu n’ebirala mu kitundu kyabwe bibeekubya mpi nga kati batandise n’okulumbibwa endwadde. Baliko be balumiriza okubaliisa akakanja wabula nga byonna bye beemulugunyaako, wofiisi ya ssaabaminisita ebisambazze.