EMPAKA Z’AMASAZA: Buddu ne Kyaggwe zigenze ku 'finals'
Amasaza okuli Buddu ne Kyaggwe ge gayiseewo okwesogga oluzannya lw'akamalirizo oba ziyite fayinolo z'empaka z'Amasaza ga Buganda olwaleero oluvannyuma lw'enzannya za semi fayinolo ez'okuddingana. Buddu ne Kyadondo balemaganye ggoolo emu ku emu e Masaka kyokka ogwasooka e Wankulukuku Buddu yali yagukulembera ggoolo 3-1 ekigiyambye okuyitawo n'omugatte gwa ggoolo 4-2. Ate ku kisaawe kya NTC e Mubende Kyaggwe ne Buwekula teri alengedde katimba ka munne naye nga mu luzannya olwasooka e Mukono, Kyaggwe yateeba ggoolo emu ku bwereere ng'eno y'ebayisizaawo.