Ab’amayumba agatubidde mu mazzi e Kiteezi beekalakaasizza
KCCA etegeezezza nga bwekola ekisoboka okugogola emyala egiviiriddeko amazzi okwanjaalira mu mayumba g'abantu ku byalo Kiteezi ne Bumbu. Emyala gino gyazibikira olwakasasiro eyabumbulukuka e Kiteezi nga kati amazzi gatuusa mu madinisa g'ennyumba ezimu era ng'abatuuze bagadduseemu. Abatuuze bano olwaleero beekalakaasizza mu ngeri eyemireembe okulaga obutali bumativu olwa gavumenti okufuuka kyesirikidde ku mbeera eno era nga poliisi yebakkanyizza.