EBY’OKWERINDA E NAMUGONGO :Enteekateeka zinywezeddwa
Ab’ebyokwerinda abagenda okukola ogw’okukuuma obutebenkevu mu kulamaga e Namugongo batandise okuweebwa ebibangirizi buli omu wagenda okukolera okusobola okunyweza eby'okwerinda. Abaduumizi ab’enjawulo mu bitongole by’ebyokwerinda okuli polisi n’amagye olwaleero basisinkanye ku kijjukizo ky’abajulizi abakulisitaayo e Namugongo okwongera okutema empenda ku ngeri y’okunywezaamu eby’okwerinda mu kulamaga okugenda okubeerawo ssabbiiti ejja. Bano batutegeezezza nti essira okusinga bagenda kulissa ku butujju mpozzi n’ebikolwa ebirala eby’obumenyi bw’amateeka.