ENAMBA ZA ‘DIGITO’: Motoka z’obwa nnanyini zaakutandika okuzifuna
Gavumenti erangiridde nti omwaka guno wegunagweerako ng’ebidduka eby’obwannanyini eby’abantu ssekinoomu nga bitandise okuweebwa number plate eza Digital.Okusinziira ku minisita w’obutebenkevu Jim Muhwezi enteekateeka eno yaakutandika ne piki piki zonna empya ezigenda okufuluma okutandika nga 01/November 2024 oluvannyuma mu January w’omwaka ogujja nga 6, n’emmotoka ez’obwannanyini ez’abantu ssekinoomu nazo ziyungibwe ku nteekateeka eno.Kitegeerekese nti zzo emmotoka za gavumenti ezisoba mu 1000 zeezaakawandiisibwa okudda ku number plate zino empya.