Gavumenti etwalidde famire y'omujaasi eyafiira e Kigoogwa obukadde butaano bwe yasuubiza
Famire y'omujaasi eyawummula Gerald Sunday eyafiira mu kabenje k'omuliro e Kigoogwa ku lw'e Bombo, efunye obukadde obutaano gavumenti bweyasuubiza eri abaafiirwa abaabwe mu kabenje kano. Ssente zino Minisita omubeezi ow'abakozi ba gavumenti Mary Mugasa yazikwasizza famire ya Sunday era ng'ono asabye Poliisi y'ebidduka eyongere okumyumyulwa amateeka g'okunguudo okutangira obubenje ekika kino.
