OKULWANYISA ENGUZI: Eyekalakaasiza ku palamenti asuze Luzira
Fatuma Nansubuga nga wa myaka 34 eyeekalakaasiza okumpi ne Palamenti ssaabiiti eno asindikiddwa ku alimanda e Luzira okutuusa nga mwenda omwezi guno .Ono mu kwekalakaasa yali akutte ebipande nga ayagala sipiika wa Plaementi Anita Among alekulire nga agamba nti enguzzi esusse mu palamenti gyakulembera .Nansubuga mutuuze w'okukaleerwe mu distulikiti y'e Kampala .Oludda oluwaabi lutegeezezza omulamuzi Caroline Kyoshabire owa kkooti ya Buganda road , nga Nansubuga mu kwekalakaasa bweyafuuka ekyeneena nataataganya nabagenda okubaako emirimu gyebakola. Emisango Nansubuga agyegaanye era omulamuzi namusindika ku alimanda mu kkomera e Luzira okutuusa nga mwenda omwezi guno lwanazzibwa asabe okweyimirirwa.