SSENTE YAZIWA ANI? Ab’amakomera baanukudde omugagga Oswal
Ekitongole ky'amakomera kyanukudde ku bigambibwa nti omugagga nnyini makolero ga PRO agasangibwa e Luwero, Pankaj Oswal yawaayo omutitimbe gwa mitwalo gya doola kkumi nga mu zaakuno bwe bukadde 370, okutumbula embeera y'ekkomera muwala we mwakuumirwa oluvannyuma lw'okusindikibwa ku alimanda. Omwogezi w'ekitongole kino Frank Baine agamba nti Oswal asaana ayogere omuntu gwe yawa ssente zino mu kitongole ky'amakomera n'ekigendererwa kyazo. Muwala wa Oswal ali ku alimanda ku misango egyekuusa ku kukukusa n'okuwamba munnansi wa Buyindi Mukesh Menaria eyali omufumbi wa famire ya Oswal mu ggwanga lya Switzerland abadde amaze emyezi ebiri nga tamanyiddwako mayitire.