Suzan Namuganza agguddwako gwa kugezaako kutta bba
Suzan Namuganza, omukazi eyafuuse emboozi olw'ebigambibwa nti yalyebulako bba obusajja, olwaleero asimbiddwa mu maaso g'omulamuzi wa kkooti esookerwako e Kamuli n'asomerwa omusango gw'okugezaako okutta omuntu.Omulamuzi wa kkooti eno Aisha Nabukeera, ategezeezza Namuganza nti ng'ennaku z'omwezi 10 Ogwomukaaga, 2024 mu bitundu by'e Kamuli, yakakkana ku bba Moses Kawubanya n'amukeculako obusajja n'ekigendererwa eky'okukomya obulamu bwe.Namuganza emisango egimusomeddwa tagyegaanye era n'omulamuzi n'asalawo okumusindika ku alimanda mu kkomera ly'e Kamuli okutuusa olunaku lw'enkya.Ekigendererwa mu kino kwekuyamba Namuganza okufuna munnamateka okuva mu gavumenti asobole okumulwanirirako.Kawubanya eyatuusibwako obuvune naye abaddewo okwerabirako n'agage era nga kimusanyusizza okuwulira nga Namuganda teyegaanye byeyamukola.