Waliwo abaagobwa mu lutobazi lwa Lubigi abaakomyewo
Waliwo abatuuze abaasengulwa mu lutobazi lwa lubigi mu Nansana Ganda abasazeewo okuddayo oluvanyuma lw'okulemererwa ebisale by’obupangisa mu nju gyebaali baanoonyeza obubudamu. Bano beegasse ku banaabwe abaagaana okwamuka ppoloti zaabwe nga bagamba nti gavumenti erina kusooka kubaliyirira. Kyokka waliwo omuzira-kisa eyabawa ettaka mu bitundu by'e Matte, lye baazira nga bagamba lya lwazi nga kale tebalina busobozi bulizimbako ate ne nnyini lyo yaliteekako obukwakkulizo bungi.