Abakulira eby’enjigiriza e Mpigi bafulumiza alipoota ku byavudde mu bigenzo by’okwegezesa
Mukaweefube w'okwetegekera ebigezo by’akamalirizo ebya P.7 abakulira eby’enjigiriza mu disitulikiti y’e Mpigi bafulumiza alipoota ku byavudde mu bigenzo by’okwegezesa byebaakola omwezi oguwedde. Abayizi abatula ebigezo bino bali 10,379 nga kubano 602 bayitidde mu ddaala lisooka ate 1,507 baabigudde ekyongedde okubatiisa wabula nebategeeza nga bwebagenda okwongeramu amaanyi okulaba nga Mpigi evuganya ku disitulikiti ezikola obulungi mu ggwanga lyonna.