Abeera enguudo mu Kampala bakubye gudiigudde olw'okugobwa kwa Dorothy Kisaka
Enkya yaleero abalongosa abeera enguudo mu kibuga Kampala naddala ab’egattira mu KCCA SACCO bakedde kuzina gudiigudde olwa pulezidenti Museveni okugoba abadde Nankulu wa Kampala Dorothy Kisaka n’omumyuka we kko n’ow’eby’obulamu. Bano bagamba nti bano babadde babaliisa akakanja oluvanyuma lw’okugunjaawo ekibiina ki 7 hills kyebagamba ekibadde kyeddiza omulimu gwabwe nga n’okusasulwa babadde bamala kwekalakaasa. Babadde bakungaanidde ku kibangirizi ky’amenunula mu Kampala wakati, nebasaba pulezidenti n’ebisigadde abitunulemu basobole okukola obulungi.