Ebigezo bya S.4 bitandise: Abayizi bagamba tebasanzeemu bipya
Enkya ya leero, abayizi ku mutendera gwa S.4 okwetoloola eggwanga lyonna bakedde kutandika bibuuzo byabwe eby’akamaliririzo eby’ekitongole ki UNEB. Abayizi batubuulidde nti mpaawo kikyuse nnyo mu bibuuzo bye bakoze , newankubadde nga babadde mu nsomesa empya kiyite New Carriculam. Bbo abasomesa balazze okusomooza kwe bayiseemu okusomesa abayizi bano, omuli ne byuma bikali magezi ebibadde ebyebbula gyebali.