Kyabazinga asabye abantu be okukuuma n'okutaasa obutonde bw'ensi
Kyabazinga wa Busoga William Wilberforce Gabula Nadiope asabye abantu be okukola buli kisoboka okukuuma n'okutaasa obutonde bw'ensi. Kyabazinga ayagala naddala abavubuka bafube okusimba emiti, kitaase obutonde bwensi obutandise okusaanawo. Bino Kyabazinga abyogeredde ku Kisaawe Kya Bukungu mu gombolola ye Kidera mu disitulikiti ye Buyende ewategekeddwa emikolo gy'okujaguza nga bwegiweze emyaka 10 bukyanga atuula ku Namulondo mu mwaka 2014.