Ab’e Sebei bagamba obuwangwa bwe businze okusajjula obutabanguko obwekuusa ku kikula ky'abantu
Omwezi oguwedde Rebecca Cheptegei eyakiikirira Uganda mu mpaka za Olympics eza 2014 ezaayindira mu kibuga Paris ekya Bufalansa yava mu bulamu bw'ensi eno olw'ebiwundu bye yafuna oluvannyuma lw'okuyiirwa peetulooli n'akumwako omuliro ekikolwa ekyakolebwa muganzi we Dickson Ndiema. Kino kyava ku butakkaanya ababiri bwe baalina ku by'obugagga Cheptegei by'azze afuna mu muzannyo gw'okudduka. Embiranye eteeberezebwa okuba nga yava ku buwangwa Bw'abakalenjin obutakkiriza mukazi ne bw'aba mugagga nga era muyitimufu mu ngeri yonna okweyoleka nti akira ku musajja. Ebimu ku ebyo obuwangwa buno bye bulagira ye mukazi okuwaayo eri bba ensimbi n'ebyobugagga ebirala byonna by'aba afunye.