Aba NUP e Ssembabule batabukidde ssentebe waabwe e Mitete
Ssentebe w'ekibiina ki NUP mu ggombolola ye Mitete mu disitulikiti ye Ssembabule Baker Byayi ateereddwa ku nninga okunnyonyola lwaki akunga abantu okwetaba ku mukolo gw'omubaka wa Nyendo Mukungwe Mathias Mpuuga ng'ate akimanyi bulungi nti ono ekibiina kimulinako akabuuza. Bino bibadde mu lukiiko lw'abatwala ekibiina kino e Ssembabule mwe bamusabidde yeetonde olw'ekikolwa kino. Gyebiggweredde ngono aweereddwa nsalesale wa ssabiiti emu okuba nga yeetonze.