Abalondoola eby’enfuna baagala akakiiko okutunula mu by'okusasula amabanja g’abamusigansimbi
Abalondoola ensonga z'ebyenfuna baagala wassibwewo ekitongole oba akakiiko aketongodde okutunula mu nsonga za bamusigansimbi abaagala gavumenti ebasasulire amabanja. Kino kiddiridde ebbaluwa omukulembeze w'eggwanga gye yawandiikidde kkampuni emu ewola ensimbi e South Africa ngayagala asisinkane abagiddukanya ku nsonga y'ebbanja lya musigansimbi owa AYA Investiments. Musigansimbi ono abangibwa ssente ezisoba mu buwumbi 600 era abakampuni eno kkooti yabawa dda ekyanya okutunda woteeri eno basobole okuggyayo ssente zaabwe.