Abalwadde b'enjega ye Kigoogwa abali e kiruddu baweereddwa akakadde k’obujjanjabi
Akawungeezi k’eggulo gavumenti yatuukirizza obweyamo bweyakoze eri abantu abaakoseddwa enjega eyagudde e Kigoogwa.Mu kwogerako eri bannamawulire akawungeezi k'eggulo nga batuusa obubaka bw'omukulembeze ku nsonga eyo, abakulu abaatumiddwa baategezeezza nti president asazeewo abafiriiddwa abantu baweebwe obukadde 5 so nga abo abaafunye ebisago,buli omu agende n'akakadde.Minisita omubeezi ow'eby'amawulire Nabbosa Ssebuggwawo abalwadde bbo yabakyaliddeko era n'abakwasa ensimbi zino.