Okujjukira abajulizi ba Uganda, abakristaayo bakyanoonya nsimbi zitegeka
Abakulira entekateeka z’okutegeka ebijjaguzo by’okujjukira abajulizi ku kijjukizo ky’abakulisitaayo e Namugongo batubuulidde nti newebutukidde olwaleero nga bakyatawaana kusonda nsimbi ez’okutegeka omukolo guno. Bano bagamba nti mu ntekateeka yonna baali baasaba obuwumbi bubiri mu obukadde bibiri, kyoka ekibatadde ku bunkenke kwekuba nti mpaawo webatuuse mu kusonda ensimbi zino. Bagamba n’ekisinga okubatiisa kwekuba nga n’omutemwa gavumenti gweyalina okubawa , tebanalabako wadde omunwe gw’enusu.
