Waliwo abatandise okusomesa abawala ku kizaalaggumba
Okusinziira ku kunonyereza okwakolebwa ekitongole ki United Nations Population Fund (UNFPA) abawala abazaala nga tebanetuuka, baanguwa okuzzaako abaana. Ku buli bawala bana abazaala nga bali wansi w’emyaka 14, basatu batera okuzaala omwana owokubiri mu myaka ebiri egiddako. Kati mu bitundu by’e Mbale eyo waliwo abatandise kawefube okulaba nga abawala abazaala nga tebanetuuka babangulwa nebayiga engeri y’okwewalamu embuto n’ebaleka okuzaako abaana amangu. Kawefube ono era azingiramu okubabuulira ki kirwadde kya mukenenya. Mbale y’emu ku district ezisingamu abaana abafuna embuto nga tebanetuuka, nga kirozobwa nti eby’obuwangwa ng’okusala embalu biretedde abaana baangi okutandika eby’okwegatta nga bakyali.