Gen. Kahinda Otafire alagidde Ssentebe wa NRM e Bukakata akwatibwe olw'okutulugunya abantu
Minista w’ensonga ez’omunda mu ggwanga Gen. Kahinda Otafire alagidde Ssentebe wa NRM Richard Kimera mu ggombolola y’e Bukakata e Masaka akwatibwe kubigambibwa nti atulugunya abantu naddala abavubi. Abatuuze bagamba nti omukulu ono yabafuukira akayinja mu ngatto nga yeefuga ennyanja tayagala muntu mulala kuvuba. Bano babadde mu lukiiko ku mwalo gw’e Lambu okulaba butya bwebasobola okumalawo obutakkaanya n’obuzibu obuli ku mwalo guno.
