Ab’egwanyiza obwa MP mu Kawempe North ku kaadi ya NUP batandise okussaayo okusaba kwabwe
Ab’egwanyiza ekifo ky’omubaka wa palamenti ekya Kawempe North ku kaadi ya NUP batandise okussaayo okusaba kwabwe. Akulira eby’okulonda bya NUP mu Buganda, John Mary Ssebuufu asambazze eby’ogerwa nga NUP bweguza abantu kaadi okwesimbawo, nti bbo bawa oyo atuukiriza ebisaanyizo. N’ebibiina ebirala nabyo biri mu kweteekateeka okulaba nga bivuganya ku kifo kino oluvanyuma lw’akakiiko k’eby’okulonda okufulumya enteekateeka nga bwezigenda okutambula.
