Kkooti ya Kisekwa egobye omutaka w'effumbe
Kkooti ya Kisekwa egobye abadde omukulu w’ekika kye Ffumbe Omutaka Yusufu Walusimbi Mbirozankya, nga egamba nti yatuuzibwa ku bukulu buno mu bukyamu.
Kkooti mu nsala yaayo ekiriziganyiza n’abazzukulu abava mu kika kino, abawaaba omusango, nga omukulu w’ekika kino bwazze nga alondebwa mu lunyiriri olutali lwa Nnono okusinzira kubyafaayo bya Jjajja bwe Walusimbi.
Bwetyo kkooti, bano ebawabudde okutuula bagoberere ennono, balonde omukulu w’ekika kino omutuufu.