Omukama Dr. Solomon Gafabusa aleetebwa e Kampala afune obujanjabi
Agava e Bunyoro galaga nga omukama Dr. Solomon Gafabusa Iguru bw’abuusiddwa mu nyonyi y’amaggye okuleetebwa e kampala afune obujanjabi ku bulwadde obuludde ebbanga nga bumutawaanya. Abakungu mu bukama bwa Bunyoro batubuulidde nti Omukama aludde nga akolola, kale nga batya nti ekifuba kino kiyinza okumuviiramu ekirwadde ki lubyamira oba Pneumonia. Mu kaseera kano tekinamanyika ddwaliro mu kampala gyatwaliddwa.
