Omuwozi w'ensimbi e Mubende akwatiddwa olw'abatuuze okumulumiriza okwagala okutwala ebintu byabwe
Omubaka wa pulezidenti e Mubende alagidde omuwozi w’ensimbi muyite Money lender Viany Kaluhungu akwatibwe oluvanyuma lw’abatuuze okwesitula nebaddukira gyali nga bamulumiriza okwagala okutwala ebintu byabwe e Kasambya. Abatuuze bamulumiriza okukozesa olukujjukuju okutwala ebintu byabwe nga yali yakola n’ekkomera ewuwe gyasibira abantu. Mu lukung’aana olwayitidwa RDC ku wofiisi ye alagidde abaali baagobwa mu nyumba n’abatwalibwako ebibanja byabwe okubiddamu yye Kaluhungu n’akwatibwa.
