Anderson Burora akkiriziddwa awoze ng’ali bweru
Eyali omumyuka wa RCC wa Lubaga Anderson Burora kyaddaaki ekkiriziddwa okweyimirirwa oluvannyuma lw'akaseera akawerako nga ali ku alimanda e Luzira ku misango gy'okwogera ebigambo ebisiga obukyayi n'okweyambisa obubi ebyuma bi kalimagezi. Oludda oluwaabi lubadde lusabye omulamuzi ono aleme kutegana kumukkiriza kweyimirirwa nti kubanga tebamanyi wa watuufu w'abeera nga tebamanyi oba nga na mufumbo nti banaakubira ku mukyawa singa aba talabiseeko mu kkooti. Kyokka bino omulamuzi abisudde mu kaseero kubanga asobodde okumatira obulungi ebiwandiiko Burora by'amulaze nga n'abazze okumweyimirirwa akizudde nga bagwaniidde. Ono akkirizza Burora yeeyimirirwe ku kakalu ka bukadde bwa silingi 5 nga zabuliwo so nga bbo abamweyimiridde abatadde ku kakalu ka bukadde 50 naye nga si zaabuliwo. Burora era esabiddwa n'okuwaayo passipota ye eri kkooti nga siwaakuddamu kukkirizibwa kufuluma ggwanga nga kkooti si y'emukkirizza. Omulamuzi amwongeddeko akakwakkulizo akalala ak'okufuga obugalo bwe aleme kuddamu kuwandiika kintu kyonna ku bibanja bye ebya social media na ddala nga kikwata ku sipiika Anita Among, awatali ekyo ajja kuddayo mu kabula-muliro. Omusango gwa Burora gwakuddamu okuwulirwa nga 21 Ogwomunaana.