Eyagezaako okutomera omusirikale atanziddwa
Kkooti ya Buganda Road etanzizza omusajja Isaac Mukwaya eyakwatiibwa mu Katambi nga agezaako okutomera omuserikale wa poliisi y'ebidduka mu bugenderevu. Kikakasiddwa kkooti nti nga 12 June, 2023 mu bitundu bya Kampala, Mukwaya ono nga ali mu mmotoka ye kika kya Subaru Forester yeekola ebitajja natafa ku bantu balala beeyambisa luguudo era omuserikale bweyavaayo okumuyimiriza ono n'agezaako okumutomera adduke. Ekyavaako entabwe, nti ye muserikale okukwakkulako number plate ya Mukwaya mu kumubonereza ye nayagala amutomere. Mukwaya nno omusango asoose kugukkiriza nga ayagala aweebwe ekibonerezo ekisaamusaamu era omulamuazi Ronald Kayizzi namulagira asasule emitwalo nkaaga ng'ekibonerezo. Kyokka Mukwaya era asigadde akukkuluma ng'ensimbi zino bwe ziri ennyingi okukamala nga abadde asabye omulamuzi amusalireko wabula ekitasobose. Singa amala n'alemererwa okusasula ensimbi ezimulagiddwa, omulamuzi wa ddembe okuwa ekibonerezo ekirala omuli n'okusibwa ebbanga eritasukka mwaka.
