Okwekalakaasa kw’abavubuka :Abaakwatiddwa eggulo beeyimiriddwa
Ku ssaawa nga kkumi n'emu ez'akawungeezi ka leero, abavubuka abo abakwatiiddwa 11 batwaliddwa ku kkooti ya Buganda Road nebasomebwa omusango gw'okweyisa ng'ekitagasa. Oludda oluwaabi lutegezeezza nti bano olwaleero ku ssaawa nga mukaaga, poliisi ebakwatiide okuliraana ekibangirizi ky'eggaali y'omukka mu Kampala nga bakutte ebipande ebiriko obubaka bwe batalinaako bujulizi gattako ebigambo bye babadde boogera nga bibamalamu ensa. Abalala babalumirizza okusangibwa ku Kampala road nga nabo bakola ekintu ky'ekimu nga bannaabwe abaavudde ku Nasser Road. Abakwate okubadde Ronald Batabaale Lubwama, Nana Namaya Mwafrica, n'abalala emisango gino bagyegaanye wabula tekigaanye mulamuzi gusalawo nti bagende e Luzira bagira babeerako eyo. Kati bano beegasse ku bantu abalala 93 kkooti beyasomedde edda emisango nga balindiridde kudda kutandika kwewozaako