Abatuuze b’e Nabusanke mu disitulikiti y’e Mpigi beekokkola enguudo embi mu kitundu kyabwe
Abatuuze b’e Nabusanke mu Kayabwe Town Council mu disitulikiti y’e Mpigi beekokkola enguudo embi mu kitundu kyabwe nga bagamba kino kikosezza eby’obulimi, nga kw’otadde n’eby’obujjanjabi anti abantu tebakyasobola kugenda mu ddwaliro olw’oluguudo olubi. Baagala abakulu ku disitulikiti y’e Mpigi basitukiremu babayambe okubalimira enguudo zino nabo bafune ku buweerero. Ekizibu ky’ekimu ekiruma abantu b’e gombolola y’e Kyegonza mu Gomba era abantu beeno balaajanidde omubaka w’ekitundu kyabwe okubadduukirira.