Akakiiko akalwanirira eddembe ly'obuntu kawulirizza emisango 7 e Masaka
Akakiiko akalwanirira eddembe ly'obuntu ka Human Rights Commission kaliko emisango musanvu gyekawulirizza e Masaka omubadde n'ogwa Kamuswaga wa Kooki Appolo Ssansa Kabumbuli ow’okubiri gweyawaabira eyali omumyuka w'omukulembeze w’eggwanga Edward Kiwanuka Ssekandi nga amulumiriza okumutulugunya. Kigambibwa nti abakuumi ba Ssekandi bakakkana ku Kamuswaga nebamuwalula nga bamulumiriza okulemera mu kkubo nga ayitawo ekyawaliriza Kamuswaga okumutwala mu kakiiko akalwanirira eddembe ly'obuntu. Ssentebe wa Kakiiko kano Mariam Wangadya nga ali wamu n’olukiiko lwe babadde Masaka okuwuliriza emisango egyaloopwa.
