ENGUZI MU MINISITULE Y'EBY'ENJIGIRIZA:Museveni agamba yeeremesezza bonna basome
Pulezidenti Yoweri Kaguta Museveni ategeezezza nga bwagenda okutandika okulwanyisa enguzi efumbekedde mu minisitule y’eby’enjigiriza, gyagamba nti ereetedde enteekateeka y’abonna basome okusereba. Agamba nti omulamwa gw’abonna basome gwali kugendereddwamu kulwanyisa butamanya kyokka yewuunya lwaki amasomero ga gavumenti gaggyako abazadde ssente, ate nga enkola eno erina kuba ya bwereere. Okwogera bino abadde ku kabaga akategekeddwa abawagizi be nga bamwebaza olw’ebirungi byakoledde eggwanga.